Тэр л хэвээрээ
Зүрхэндээ алгаа наагаад анирдахаар
Зөөлөн уярал сэтгэлд ургах юмаа
Зүүд л юм шиг заяасан хайраа
Зүйрлүүлж юутай жиших ч билээдээ
Сар өдрүүд шувууд шиг нисэн одлоо ч
Салхин зүгээс аг үнэртэж навчис хийслээ ч
Сайхан хайрын гэгээн учрал минь
Сэтгэлийн тэнгэрт тэр л хэвээрэй байна
Алгандаа зүрхээ шивнүүлж сонсохоор
Аяндаа л гэгээн совин төрөх юмаа
Аялгуу л юм шиг заяасан хайраа
Адилтгаж юутай жиших билээдээ
Сар өдрүүд шувууд шиг нисэн одлоо ч
Салхин зүгээс аг үнэртэж навчис хийслээ ч
Сайхан хайрын гэгээн учрал минь
Сэтгэлийн тэнгэрт тэр л хэвээрэй байна
Энгэртээ чамайгаа тэврээд уулзахлаар
Ижилхэн догдолсоноо хоюулаа мэдэх юмаа
Заяаны сүүтэй нандин хайраа
Замбууланд юутай жиших ч билээ дээ
Сар өдрүүд шувууд шиг нисэн одлоо ч
Салхин зүгээс аг үнэртэж навчис хийслээ ч
Сайхан хайрын гэгээн учрал минь
Сэтгэлийн тэнгэрт тэр л хэвээрэй байна
Эрхлээд танидаа очноо
Нүүдэл буцах намраар
Хурын янзага цахиллаа ээжээ
Хос морьтой заяа
Адууныхаа тамганд уясан хадаг нь
Амны хишиг даллаж байнаамс
Ардын дуугаа аялаад мордохоороо
Аз хийморь дагуулж ирэх юмаа
Дүүрэн тэргэл заяатай Монгол эр хүн таныхаа
Дөрөөнд сүүгээ өргөх гэж Монгол бүсгүй болсымаа
Хорол тоонондоо уясан хадгана хө
Хоймор тойроод даллаж байнаа
Хос морьд буусан шагайгаа
Ховорхон аз гэж бэлэгшээж байдаг аа
Дүүрэн тэргэл заяатай Монгол эр хүн таныхаа
Дөрөөнд сүүгээ өргөх гэж Монгол бүсгүй болсымаа
Тотгон зүгээ милээсэн хойно нь хө
Толгой хүрэн сүргийн манлай
Тотго жинстэй малгайг нь хүртэл
Отгон тэнгэр түшиж байдаг
Дүүрэн тэргэл заяатай Монгол эр хүн таныхаа
Дөрөөнд сүүгээ өргөх гэж Монгол бүсгүй болсымаа